கோஸ்ட்டி திரை விமர்சனம்

குலேபகாவலி, ஜாக்பாட் உள்ளிட்ட ஃபேண்டசி படங்களை இயக்கிய கல்யாண் இயக்கத்தில் காஜல் அகர்வால், யோகி பாபு, கேஎஸ் ரவிக்குமார் அகியோர் நடிப்பில், சாம் சிஎஸ் இசையமைப்பில் வெளியாகி இருக்கும் படம் கோஸ்ட்டி. இப்படத்தை சீட் பிக்சர்ஸ் நிறுவனம் தயாரித்துள்ளது.
ரசிகர்களின் ரசிப்புத்தன்மையை நாடிபிடித்து பார்த்து அதற்கேற்ற படங்களை தருபவர் இயக்குனர் கல்யாண், பெரியவர்கள், குழந்தைகள் என அனைவரும் கவலைகளை மறந்து ரசிக்கும்படியான படங்களைத்தரும் கல்யாண், தன்னுடைய அதே பாணியில் கொடுத்திருக்கும் படம் கோஸ்டி
காவல்துறை அதிகாரியான காஜல் அகர்வால், தாதா கே.எஸ்.ரவிக்குமாரை துரத்த, பேய்களான யோகிபாபு, கிங்க்ஸ்லீ ஆகியோர் காஜல் அகர்வாலை துரத்த, கே.எஸ்.ரவிக்குமார் காஜல் அகர்வால் அப்பாவின் நண்பர்களை துரத்த, மூன்று அணியும் சந்திக்கும் இடம்தான் காமெடி கலவரமான கோஸ்டியின் கதை. காமெடி ஃபேண்டசி படம் என்பதால் லாஜில் பற்றி எந்த கவலையும் இல்லாமல் படத்தை ரசிக்க முடிகிறது.
காஜல் அகர்வால், யோகி பாபு, கேஎஸ் ரவிக்குமார், கிங்க்ஸ்லி, ஊர்வசி என பட்த்தில் வரும் அனைவரும் சிரிக்க வைக்கின்றனர். மேலும் ஒரு பெரிய நடிகர் பட்டாளமே இருப்பது கலகலப்பாக இருக்கிறது. பயமுறுத்தும் பேய்படமாக இல்லாமல் காமெடி பேய்ப்படமாக இருப்பதால் அதற்கேற்ற பின்னணி இசையை கொடுத்திருக்கிறார் இசையமைப்பாளர் சாம் சிஎஸ். கவலைகளை மறந்து சிரிக்க கண்டிப்பாக கோஸ்ட்டியை பார்க்கலாம்
கோஸ்ட்டி: காமெடி கலவரம்